ភ្នំពេញ៖ នគរបាលខណ្ឌច្បារអំពៅបានឃាត់ខ្លួនជនសង្ស័យគាស់ផ្ទះគេម្នាក់ និងឃាត់ខ្លួនជាមួយឧបករណ៍សម្រួលការលំបាកសព្វគ្រប់។
ជនសង្ស័យមានអាយុ ២៤ឆ្នាំ ភេទប្រុស គ្មានមុខរបរពិតប្រាកដ រស់នៅសង្កាត់ក្បាលកោះ ខណ្ឌច្បារអំពៅ ត្រូវបានឃាត់ខ្លួននៅថ្ងៃទី០១ ខែកុម្ភៈ ឆ្នាំ២០២៣ វេលាម៉ោង ៣:៣០នាទី ពាក់ព័ន្ធករណីប៉ុនប៉ងលួចទ្រព្យសម្បត្តិអ្មកដទៃ នៅចំណុចនៅមុខផ្ទះគ្មានលេខ ភូមិស្វាយតាអុក សង្កាត់វាលស្បូវ ខណ្ឌច្បារអំពៅ ខណៈកម្លាំងកំពុងធ្វើការល្បាត។
វត្ថុតាងដកហូតរួមមាន កាំបិតប៉័ងតោ២ កូនកាំបិត២ ដង្កាប់២ កន្រ្តៃ២ ទួណឺវ៉ីស៥ កូនសោលេខ១៧ ចំនួន២ សោខ្សៀលេខ៨ ចំនួន១ និងដែកចុងស្រួចកែច្នៃសម្រាប់ឆ្កឹះសោ១។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌច្បារអំពៅ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
